2010-2014 թթ. գիտության գերակայությունները Հայաստանում

ՀՀ կառավարության 2010թ. մայիսի 27-ի N640-Ն որոշմամբ սահմանվեցին Հայաստանի Հանրապետությունում գիտության և տեխնիկայի զարգացման 2010-2014 թվականների գերակայությունները: Դրանք վեցն են.
1) հայագիտություն, հումանիտար և սոցիալ-տնտեսագիտական գիտություններ.
2) գիտություններ կյանքի մասին.
3) վերականգնողական էներգետիկա, էներգիայի նոր աղբյուրներ.
4) առաջատար տեխնոլոգիաներ, տեղեկատվական տեխնոլոգիաներ.
5) տիեզերքի ուսումնասիրություն, երկրի մասին գիտություններ, խնայողական բնօգտագործում.
6) կարևորագույն կիրառական հետազոտությունները խթանող հիմնարար գիտություններ:

ՀՀ վարչապետի բլոգում քննարկվում է գիտության զարգացման ռազմավարությունը

Հարգելի բարեկամներ
ՀՀ վարչապետ Տիգրան Սարգսյանն իր բլոգում քննարկում է սկսում Գիտության ոլորտի զարգացման ռազմավարության վերաբերյալ:
Մենք ողջունում ենք նախաձեռնությունը եւ կոչ անում հայ գիտական հանրության ներկայացուցիչներին ակտիվորեն ներգրավվել քննարկումներում, արտահայտել սեփական տեսակետները, հանդես գալ առաջարկություններով ու դիտողություններով:

Ահավասիկ, Վարչապետի խոսքը.
«Գիտության մասին երկու խոսքով արտահայտվելն անհնար է:
Նախ պետք է սթափ գնահատել իրավիճակը. այսօր մենք ունենք գիտության ֆինանսավորման երկու ձև՝ բազային և թեմատիկ:
Գիտության ֆինանսավորման գործող պրակտիկան «ծնել» է գիտնականի մի այնպիսի տեսակ, որ մշտապես պահանջում է միջոցներ՝ առանց արդյունքներ ներկայացնելու: Մյուս կողմից՝ ակնհայտ է, որ առանց ներդրումների գիտությունը չի կարող զարգանալ:
Մեծացնելով բազային ֆինանսավորումը (ինչը տարիներ շարունակ պահանջում են գիտության որոշ ներկայացուցիչներ), մենք բարձրացնում ենք գիտնականների աշխատավարձերն ու նորոգում ենք գիտական հաստատությունները, իսկ մեծացնելով թեմատիկը՝ ստիպում ենք գիտական հանրությանը կողմնորոշվել դեպի արդյունքը:
Հանրահայտ իրողություն է. գիտությունը փողը գիտելիքի վերածելու գործընթացն է, իսկ հակառակ ընթացքը` (գիտելիքը փողի վերածելը), նորարարությունն է:
Արդյոք այսօր գիտությանն ուղղված միջոցները գիտելիք են ստեղծում, և արդյոք առկա գիտելիքը վերածվում է փողի:
Մեզ պետք են գիտությանը հատկացված միջոցների արդյունավետությունը գնահատելու հստակ և արդիական չափանիշներ, և այդ հարցի պատասխանը մենք ակնկալում ենք ստանալ Գիտությունների ազգային ակադեմիայից: Չափանիշների առկայությունը հնարավորություն կտա պատասխանել հարցին, թե ինչպե՞ս պետք է առկա գիտելիքը դարձնել շահավետ և եկամտաբեր գործ:
Ժամանակակից աշխարհի շարժիչ ուժը համալսարաններ են: Պատահական չէ, որ գիտության ճյուղերում Նոբելյան մրցանակակիրները դուրս են գալիս աշխարհի լավագույն համալսարաններից: Հենց համալսարաններն են գեներացնում նոր դարաշրջանի հիմնական ռեսուրսը` գիտելիքը:
Մեր խնդիրներից մեկը գիտությունը համալսարաններին ինտեգրելն է: Իմ համոզմամբ, մեր համալսարանները պետք է դառնան գիտության և նորարարության կենտրոններ, կարողանան իրենց նորարարական պրպտումների մեջ ներգրավել վենչուրային հիմնադրամներին` կազմակերպությունների, որոնք պատրաստ են ներդրումներ կատարել նոր գաղափարները կյանքի կոչելու համար:
Կառավարությունը մշակում է գիտության ոլորտի զարգացման ռազմավարություն: Այս նախագիծը ներկայացվել է հանրության դատին: Կուզենայի լսել ձեր կարծիքները դրա վերաբերյալ»:


www.scs.am/up/Git-Razm-final-f-29-10.pdf

ՄԱՐՏԻ 8-ը Գիտպետկոմում

Կանանց տոնին նվիրված պաշտոնական արարողությունը Գիտպետկոմում այս տարի մեկնարկեց մարտի 5-ին՝ տոնին նախորդող վերջին աշխատանքային օրը, որն այնուհետեւ շարունակվեց «Փարվանա» ռեստորանային համալիրում:

Ներկայացնում ենք մի քանի լուսանկար՝ առանց մեկնաբանությունների...

Հայտնի են մրցութային կարգով ընտրված թեմաների ղեկավարների անունները

ԱՄՓՈՓՎԵՑԻՆ «ԳԻՏԱԿԱՆ ԵՎ ԳԻՏԱՏԵԽՆԻԿԱԿԱՆ ԳՈՐԾՈՒՆԵՈՒԹՅԱՆ ՊԱՅՄԱՆԱԳՐԱՅԻՆ (ԹԵՄԱՏԻԿ) ՖԻՆԱՆՍԱՎՈՐՄԱՆ ՇՐՋԱՆԱԿՆԵՐՈՒՄ ԵՐԻՏԱՍԱՐԴ ԳԻՏԱՇԽԱՏՈՂՆԵՐԻ ՀԵՏԱԶՈՏՈՒԹՅՈՒՆՆԵՐԻ ԱՋԱԿՑՈՒԹՅԱՆ ԾՐԱԳԻՐ-2009» ՄՐՑՈՒՅԹԻ ԱՐԴՅՈՒՆՔՆԵՐԸ

Հանձնաժողովի որոշմամբ ֆինանսավորվելու են հետեւյալ երիտասարդ գիտնականների թեմաները.
Ֆիզիկայի բնագավառում՝
Դիանա Անտոնոսյան,
Անահիտ Գոգյան,
Արամ Զեյթունյան,
Արմեն Ղարիբյան,
Բագրատ Մայիլյան,
Կարապետ Մկրտչյան,
Պավել Մուժիկյան,
Լեւ Անանիկյան,
Բաբկեն Ավչյան,
Վահե Թադեւոսյան,
Արա Ղազարյան,
Գագիկ Կարապետյան:
Քիմիայի բնագավառում՝
Սոֆյա Այդինյան,
Կարինե Հակոբյան,
Արմեն Գալստյան,
Արփինե Գեոլչանյան:
Կենսաբանության բնագավառում՝
Ռոքսանա Զախարյան,
Ֆլորա Սարուխանյան,
Խաչատուր Մանուկյան,
Քրիստինա Մարգարյան:
Մաթեմատիկայի բնագավառում՝
Արայիկ Խզմալյան:
Հայագիտության բնագավառում՝
Հովհաննես Հովհաննիսյան,
Սուրեն Մանուկյան:
Բանասիրության բնագավառում՝
Միլանա Սարգիսովա:

Շնորհավորում ենք հաղթածներին: Մյուս բոլորին էլ կոչ ենք անում դիմել նաեւ 2010-ին:

Տիկին Գրետայի հոբելյանը

Տիկին Գրետան Գիտպետկոմի ամենափորձառու աշխատակիցներից է, երկար տարիներ աշխատում է կրթության ու գիտության ոլորտում:

Այս կապակցությամբ /ինչպես նաեւ նրա ծննդյան օրվա առթիվ/ Տիկին Գրետան ընդունել էր հյուրեր, որոնց թվում՝ Գիտպետկոմի նախագահը, աշխատակազմի ղեկավարը, ՀՀ ԿԳՆ աշխատակազմի ղեկավարը, որոնցից էլ նա ստացավ «պաշտոնական» շնորհավորանքներ:

Նրան ճանաչում, սիրում ու հարգում են ոչ միայն Գիտպետկոմի աշխատակիցները, այլ նաեւ հանրապետության գիտական հանրության ներկայացուցիչները: Բոլոր հարցերն իրենց սպառիչ պատասխաններն ստանում են տկն Գրետայի մոտ:

Մենք էլ սիրով շնորհավորում ենք տիկին Գրետային՝ ցանկանալով բազում ստեղծագործական բեղուն տարիներ Գիտպետկոմի տանիքի ներքո:

Անկեղծ խոստովանանք՝ մենք Ձեզ սիրում ենք:

Ստեղծագործում ենք...

Այո, ստեղծագործում են նաեւ Գիտպետկոմի աշխատակիցները...

Այո, երբեմն պետք է նայել «պատուհանից դուրս»,

իսկ Գիտպետկոմի պատուհանից այս տեսարանն է...

ՊԱԿԱՍՈՒՄ Է..!

Պակասում է իմ կյանքից
Ամեն օր` մի օր…
Մի երg` ծնված կարոտից,
Մի կյանք արևոտ:

Պակասում է արևշող
Երgը gութանի`
Ակոսի հետ տաք շնչող
Մարդ-շինականի…

Ոսկեշողեր ցորենի
Համով բուրմունքը,
Աշնան ձորի մասրենու
Կարմիր ուլունքը…

Պակասում են, gնալով,
Ծերն ու ահելը.
Մահը gալիս է օրով`
Նա է ջահելը…

Օրերս քիչ, ճամփես կարճ,
Ում խղճին հենվեմ.
Ոչ հետ և ոչ էլ առաջ`
Ես էլ տեղ չունեմ…

Փակեց ինձ իր վանդակում
Ժամանակն ահեղ.
Ձմեռն է ինձ քանդակում
Պաղ շնչով զորեղ…

Պակասում է աշխարհից
Մի տառապող սիրտ,
Մի երg` պոկված քարափից,
Ու մի արթուն վիշտ…

Միքայել Հախումեցի-Միշա Մ.



Ինձ թվում է պակասում է աշխարհից սերն ու կարոտը,
Մարդուն համ ու հոտով պահող, նաև` ամոթը…
Մ. Հ.

Գիտպետկոմի 2010թ. անելքները

Օրերս Կառավարություն կուղարկվի 2010թ. գործունեության միջոցառումների ծրագիրը՝ Գիտպետկոմի մասով: Դրանում ընդգրկված են լինելու հետ?յալ միջոցառումները.

1. «Հայաuտանի Հանրապետության գիտության ոլորտի զարգացման 2011 – 2015 թվականների ռազմավարական ծրագրին հավանություն տալու մասին» ՀՀ կառավարության որոշման նախագիծը

2. «Հայաuտանի Հանրապետությունում հայագիտության զարգացման ռազմավարական ծրագրին հավանություն տալու մասին» ՀՀ կառավարության որոշման նախագիծը

3. «Հետազոտական համալսարանների ձևավորման չափանիշներին հավանություն տալու մասին» ՀՀ կառավարության արձանագրային որոշման նախագիծը

4. «Հասարակական գիտությունների զարգացմանը նպաստող ծրագրին հավանություն տալու մասին» ՀՀ կառավարության արձանագրային որոշման նախագիծը

5. «Ատենախոսությունների թեմաների ընտրության և հաստատման կանոնակարգը հաստատելու մասին» ՀՀ կառավարության որոշման նախագիծը

6. «Գիտական աստիճաններ շնորհող մասնագիտական խորհրդի ձևավորման սկզբունքների, չափանիշների և աշխատանքների կազմակերպման կարգը հաստատելու մասին» ՀՀ կառավարության որոշման նախագիծը

7. «Ատենախոսությունների հիմնական դրույթների և արդյունքների հրատարակման համար ընդունելի պարբերական գիտական հրատարակությունների ցանկի ձևավորման կարգը հաստատելու մասին» ՀՀ կառավարության որոշման նախագիծը

եւ

8. «ՀՀ գիտության և տեխնիկայի զարգացման գերակա ուղղությունների և բեկումնային տեխնոլոգիաների ձևավորման կարգը հաստատելու մասին» ՀՀ կառավարության որոշման նախագիծը

ՄԵԶ ՄՆՈՒՄ Է ԱՌԱՋԻՆ ԿԱՄ, ԳՈՆԵ, ԵՐԿՐՈՐԴ ՆԿԱՐԻ ՆՄԱՆ ԴԻՄԱՎՈՐԵՆՔ ՆՈՐ՝ 2010 ԹՎԱԿԱՆԸ ԵՎ ԱՆՑՆԵՆՔ ԳՈՐԾԻ...